ولاقلبي في يوم كان مستحمل في بعادك كتر الاهات

حن على قلبي وخليك جنبي وامسح كل الدمعات

عايزني اتكلم واحكي لك راح اقول لك كل الحكايات

طب اسمعني بلاش تمنعني ولا تقول لي ده كلام بنات

في غيابك والله اشتقت لك بانده لك كل الأوقات

ماكنش لا ولا كان على بالي احساس الحب وهمسات

من قلبي اللي  اتعلم يحسب كم باقي للقاك ساعات

لما يشوفك وتجي حروفك تتوقف كل الدقات

دي حاجة كنت باخبيها حاجة ولا كل الحاجات

بس من الليلة انا هتكلم مابلاش روحات وجيات

والله بحبك حب حقيقي مش لعب عيال وتفاهات